نەخشەی داخستنی رێگاکەی سلێمانی.وێنە.شارەوانی سلێمانی
بۆ ماوەی هەفتەیەک
بەشێکی شەقامی مەلیک مەحمود لە سلێمانی دادەخرێت
964+
توانا نەقی
لە سبەینێوە پێنجشەممەوە بەشیکی شەقامی مەلیک مەحمود لە سلێمانی بۆ ماوەی هەفتەیەک بە رووی شۆفێراندا دادەخرێت.
ئەمشەوی چوارشەممە، سەرۆکایەتی شارەوانی سلێمانی بڵاویکردەوە، هاوڵاتیان و شۆفێران ئاگادار دەکەنەوە لە کاتژمێر 9:00ـی بەیانی سبەینێ 27.6.2024 بۆ ماوەی نزیکەی هەفتەیەک شەقامی مەلیک مەحمود لە ئاستی پڕۆژەی یەکتربڕی ئارام دادەخرێت.
دەشڵێت، هەردوو ئاراستەی ئەو شەقامە لەو جێگەیە بەربەست دەکرێت، بە مەبەستی جێبەجێ کردنی قۆناغی کۆتایی پڕۆژەی یەکتربڕی ئارام.
شۆفێران دەتوانن شەقامەکانی دەورووبەر و بەشێک لە شەقامی خزمەتگوزاری مەلیک مەحمود بەکاربهێنن وەک شەقامی جێگرەوە.
