لە گەلی شێرانە
لە رووداوێکی هاتوچۆدا کەسێک گیانی لەدەستدا و دوو کەس بریندارن
964+
زەید کۆچەر- دهۆک
دوای نیوەڕۆی ئەمڕۆ شەممە، لە رووداوێکی وەرگەڕانی ئۆتۆمبێلدا لە سەر رێگای هاوینەهەواری گەلی شێرانە لە ئامێدی کەسێک گیانی لەدەستدا و دوو کەسی دیکە بریندار بوون.
ئۆتۆمبێلەکە تەنیا ئەو سێ کەسەی تیادا بووە و وەرگەڕاوە و لە بەرزاییەکەوە کەوتووەتە خوارەوە.
د. محمد ئەحمەد، بەڕێوەبەری نەخۆشخانەی ئامێدی بە 964ـی وت، ئەو سێ کەسەی لە ئۆتۆمبیلەکەدا بوون هەرسێکیان گەنجن کەسێکیان کە شۆفێرەکە بووە دەستبەجێ گیانی لەدەستداوە و خەڵکی ناحیەی دێرەلوکە، دوو کەسەی دیکەش لە ژێر چاودێری پزیشکدان و بریندارن.
وتیشی، دۆخی تەندروستی بریندارەکان باشە و لە ئیستادا هیچ مەترسی لەسەر ژیانیان نییە،تەنیا بە سووکی چەند برینێک لەسەر جەستەیان دروستبووە.
پێداچوونەوە: توانا نەقی
