شەقامی چوون بۆ کەرکوک دەردەخات لە ناوەندی شاری هەولێر _ وێنە: 964
کۆبوونەوە دەکەن
پاسەکانی ناوشاری هەولێر دەبنەوە بە 500 دینار
964+
شۆڕش هەرکی – هەولێر
دوای نزیکەی دوو ساڵ گرانبوونی هێڵەکانی گواستنەوەی ناوخۆ لە شاری هەولێر، قەرار وایە هەفتەی داهاتوو بەشی زۆریان هەرزان بکرێنەوە.
پێشتر بەهۆی گرانبوونی بەنزین و گاز، پاسی هێڵەکانی گواستنەوەی هاوڵاتیان لە شاری هەولێر لە 500 دینارە وە بۆ 750دینار گرانکرا.
هەرزان دەکرێنەوە و دەبن بە 500 دینار
ئەمڕۆ پێنجشەممە 29.5.2024، عەبدولخالق عەلی، بەڕێوەبەری گواستنەوە و گەیاندنی هەولێر بە 964ی وت،” لە هەوڵداین لەگەڵ بەرپرسی سەرجەم هێڵەکانی ناوخۆی ناوشاری هەولێر، بۆ ئەوەی کرێی گواستنەوەی هاوڵاتیان وەک جارانی لێبکرێتەوە و هەرزانبکرێت، لە چەند رۆژی رابردوو، چەند هێڵێک هەرزانیان کردووە”.
ئەوەشی وت، “هەفتەی داهاتووش کۆبوونەوەیەکمان لەگەڵیان دەبێت و بەشی زۆری هێڵەکان لە 750دینارەوە بۆ 500دینار هەرزان دەکرێن”.
لە هەولێر هەزار و 70 پاس لە کاردان
بە قسەی بەڕێوەبەری گواستنەوە و گەیاندنی هەولێر، “لە رابردوو بەهۆی گرانبوونی بەنزین و گاز، لەگەڵ بەرپرسی هێڵەکان ئەو بڕیارەیاندا، ئێستاش نرخی بەنزین و گاز جێگیرە بۆیە نرخی گواستنەوەی پاسەکان وەک جارانی لێدەکرێتەوە”.
لەناو شاری هەولێر ژمارەیەکی زۆری پاس لە هێڵەکانی گواستنەوە کار دەکەن، کە ژمارەیان 31 هێڵی گواستنەوەیە و هەزار و 70 پاسن.
پێداچوونەوە: ئەحمەد مستەفا
شارەوانیی هەولێر بەخۆکەوتووە
گژوگیای ناوەڕاستی 120 مەتریی هەولێر مەترسی سووتانی لەسەرە
