لە دەشتی باتاس بە ئاوی کانی دەست بە چاندنی برنج کرا

964+

ئاکام غەفور – هەریر

برنجی دەشتی باتاس یەکێکە لە بەناوبانگترین جۆرەکانی برنج لە عێراق، ناوبانگێکی زۆری هەیە، هۆکاری ئەو ناسناوەش بەوتەی جوتیاران ئەوەیە، کە خاکەکەی ئاو گرە و ئاوەکەشی ئاوی کانیە و سارد و سازگارە، ئەمەش وایکردووە برنجەکە تامێکی تایبەتی هەبێت.

جوتیاران لەگەل ئاو، گۆلە برنج دەکەن و بە ماندوبوونێکی زۆر برنجەکە دادەچێنن، چاوەڕێی پایز دەکەن بۆ چنینەوەی بەرهەمەکە.

ساڵانە بە تێکڕا لە دەشتی باتاس نزیکەی 300 دۆنم زەوی بە برنج دادەچێندرێت

ئەمڕۆ پێنجشەممە 23.5.2024، نەریمان باتاسی، جوتیار لە دەشتی باتاس بۆ 964 قسەی کرد وتی، “چەند رۆژێکە دەستمان بە چاندنی برنج کردووە، کارەکە قورسە بەڵام بژێوی ژیانمان لە سەر ئەو کارەیە، ساڵانە زەوی تایبەت بۆ  برینج تەرخان دەکەین نایکەین بە هیچ شتێکی دیکە”.

بە قسەی نەریمان، “لە دوای کێلانی زەوییەکە بە چەند کەسێک گۆلە برنج دروست دەکەن، کەسێکیش تۆی برنج دادەچێنێت، دواتر پێویستی بە بژارکردن و شێلانی زەوییەکەیە بۆ ئەوەی بەرهەمێکی جوانتر و جیاوازتری هەبێت”.

ساڵانە بە تێکڕا لە دەشتی باتاس نزیکەی 300 دۆنم زەوی بە برنج دادەچێندرێت،  964 دەزانێت، ساڵی رابردوو جوتیارانی باتاس رەنج بەخەسار بوون، ئەوەش بەهۆی گەرمای هاوین و کەمی ئاو، بەرهەمیان وەک پێویست نەبوو.

پێداچوونەوە: ئەحمەد مستەفا

لە سێ گوندی دێرەلووک 150 دۆنم زەوی بێ برنج دەبن

دروێنەی برنج لە دەشتی هەریر و باتاس دەستیپێکردووە