لە گەرمیان
منداڵێک کەوتە ژێر تراکتۆرەوە و گیانی لەدەستدا
964+
میلاد جەلال – گەرمیان
ئێوارەی ئەمڕۆ لە گوندی ساریگۆل لە ناحیەی جەبارە سەر بە ئیدارەی گەرمیان، منداڵێکی تەمەن چوار ساڵ، کەوتە ژێر تایەی تراکتۆرێک و گیانی لەدەستداوە.
عەلی جەمال قدوری، وتەبێژی پۆلیسی گەرمیان بە 964ـی وت، “منداڵەکە لەسەر تراکتۆرەکە بووە، دەستکاری گێڕی کردووە و خستوویەتە بۆش، لەوکاتەدا منداڵەکە خۆی فڕێداوەتە خوارەوە و کەوتۆتە ژێر تایەی تراکتۆرەکە و گیانی لەدەستداوە”.
ئاماژەی بەوەشکرد، تراکتۆرەکە ھی مامی منداڵەکە بووە، بەبڕیاری دادوەر و بەپێی مادەی 24 مامی منداڵەکە دەستگیرکراوە.
پۆلیس پەڕاوی لێکۆڵینەوەی بۆ رووداوەکە کردووەتەوە و لێکۆڵینەوە بەردەوامە.
پێداچوونەوە: توانا نەقی