هاندەرانى یانەى هەولێر لە کاتى بەرکردنەوەى ئاڵاى یانەکەیان. وێنە: پەڕەى یانەى هەولێر
964 پشتڕاستى دەکاتەوە
سەرۆک و دەستەى کارگێڕى یانەى هەولێر دوورخرانەوە؟
964+
وریا فەتاح
سەرۆکى یانەى هەولێر رەتیدەکاتەوە، ئەندامانى دەستەى کارگێڕى یانەى هەولێر و سەرۆکى یانەکە دەستیان لەکارکێشابێتەوە.
بەشێک لە کەناڵەکانى و تۆڕە کۆمەڵایەتییەکان بڵاویان کردەوە کە سەرۆک و ئەندامانى دەستەى کارگێڕى یانەى هەولێر، لە کارەکانیان دورخرانەوە.
لەسەر ئەو هەواڵە، 964 قسەى لەگەڵ وەلید عەرەب، سەرۆکى یانەى هەولێر کرد و رەتى کردەوە کە دەستیان لە کارکێشابێتەوە یان لە کارەکانیان دورخرابنەوە.
هەموو ئەو هەواڵانەش کە باس لە دەستلەکارکێشانەوە و دورخستنەوەى سەرۆک و دەستەى کارگێڕى یانەى هەولێر دەکرێت، سەرۆکى یانەکە بە ساختە ناویان دەبات.
964 بەوە نەوەستا و قسەى لەگەڵ ئەندامێکى دەستەى کارگێڕى یانەى هەولێر کرد، ئەو وێڕاى ئەوەى پێى خۆش نەبوو ناوى بڵاو بکرێتەوە، بێئاگایى لەو دەنگۆیانە دەربڕى و وتى،”من هیچم نەبیستووە و ئاگام لە هیچ نیە و دەستم لە کارنەکێشاوەتەوە و دوریش نەخراومەتەوە”.
ئەوەش لە کاتێکدایە، یانەى هەولێر بە دۆخێکى خراپدا تێدەپەڕێت و ئەمڕۆش لە یاریگاى خۆى بە گۆڵێک بەرامبەر دوو گۆڵ بە یانەى مینا دۆڕا و لە پلەى 16ـى خولى ئەستێرەکانى عێراقدایە.
