بارانبارین دەستپێدەکاتەوە

964+

وریا فەتاح

لە سبەینێوە بارانبارین دەستپێدەکاتەوە و لە ئەمڕۆشەوە ئاسمانى هەرێم دەگۆڕێت بۆ هەورى تەواو، پلەکانى گەرماش دادەبەزن.

بەپێى پێشبینییەکانى کەشناسى هەرێم بۆ ئەمڕۆ شەممە، ئاسمان ساماڵ دەبێت و دواتر بۆ هەندێ پەڵەهەور دەگۆڕێت و لە شەودا دەگۆڕێت بۆ هەورى تەواو.

ئەوەش خراوەتەڕوو سبەی یەکشەممە، ئاسمان نیمچەهەور و هەوری تەواو دەبێت، لەهەندێ کات و شوێندا نمە بارانی پچر پچر دەبێـت و هەندێکجاریش تاوەباران و هەورەتریشقەشى لەگەڵدا دەبێت، بە تایبەتی لە ناوچە شاخاوییەکان و ناوچەکانی رۆژهەڵاتی هەرێم .

بەراورد بە ئەمڕۆ، سبەینێ پلەکانى گەرما 3 بۆ 5 پلە دادەبەزێت و کەش فێنکتر دەبێت.

بەرزترین پلەکانی گەرمای پێشبینیکراو بە پلەی سیلیزی :

هەولێر: 28

سلێمانی: 25

دهۆک: 26

کەرکوک: 29

هەڵەبجە: 27

زاخۆ: 26

سۆران: 24

حاجی ئۆمەران: 16

گەرمیان: 31

ئه‌مڕۆ ئاسمان ده‌بێتە هه‌وری ته‌واو و بارانیش ده‌بارێت