ئاوەڕۆ تەواونەکراوەکەی گەڕەکی شەشەکانی تاڤگە لە سلێمانی - وێنە: شارەوانیی سلێمانی
"کێشەی بوودجەیان هەیە"
شارەوانیی سلێمانی هەوڵی بەگەڕخستنەوەی پڕۆژە تەواونەکراوەکان دەدات
964+
پێشەوا محەمەد
شارەوانیی سلێمانی بەدواداچوون بۆ پڕۆژە وەستاو و دواکەوتووەکانی دەکات و وتەبێژەکەی دەڵێت، هەوڵی بەگەڕخستنەوەیان دەدەن.
بەشی پڕۆژەکان چەند رۆژێکە سەردانی ئەو پڕۆژانە دەکەن و لە هۆکارەکانی دواکەوتنیان دەکۆڵنەوە.
زەردەشت رەفیق، وتەبێژی شارەوانیی سلێمانی بە 964ـی راگەیاند، پڕۆژە تەواونەکراو و وەستاوەکانیان زۆرن و بە گشتی زۆرینەیان پڕۆژەی ئاو و ئاوەڕۆن.
وتیشی، “تا ئێستا 10 پڕۆژە لە ناوشار بەسەرکراوەتەوە و لە ماوەی هەفتەی داهاتوودا ئەوانی دیکەش دەبیندرێن”.
964 دەزانێت، بەشی پڕۆژەکان راپۆرتێک لەسەر ئەو پڕۆژانە ئامادە دەکات و ئاراستەی ئەنجومەنی شارەوانیی سلێمانی دەکات.
وتەبێژەکەی شارەوانیی سلێمانی وتیشی، “بەپێی ئەو پڕۆژانەی تا ئێستا سەردانیان کراوە هۆکاری هەموویان پەیوەندیی بە نەبوونی بوودجە و نەمانی نەختینەوە هەیە لە بانکەکاندا”.
وەک زەردەشت رەفیق باسی کرد، ئەگەر کەمتەرخەمییەک لە وەستان یان دواکەوتنی پڕۆژەکان هەبێت لێپرسینەوە لەوانە دەکرێت کەمتەرخەمییان کردووە.
