وێنەى ئەو گەنجەى لەلایەن تیمى مەلەوانى بەرگرى شارستانى کۆیە لە خنکان رزگارکرا وێنە: بەرگرى شارستانى کۆیە
کۆیە
گەنجێک لە خنکان رزگارکرا و تەرمى هاوڵاتییە خنکاوەکەش تائێستا نەدۆزراوەتەوە
964+
وریا فەتاح
دوانیوەڕۆى ئەمڕۆ هەینى، گەنجێکى تەمەن 24 ساڵ لە زێى بچوک لەلایەن تیمى مەلەوانى بەرگرى شارستانى کۆیە لە خنکان رزگارکرا و تائێستاش تەرمى ئەو هاوڵاتییە نەدۆزراوەتەوە کە بەیانى ئەمڕۆ لە زێى بچوکدا خنکاوە.
بەرگرى شارستانى کۆیە بڵاوى کردەوە، کاتژمێر 2:20 خولەکى دوانیوەڕۆى ئەمڕۆ هەینى، کارمەندەکانیان لە تیمى مەلەوانى توانیان هاوڵاتییەکى تەمەن 24 ساڵ لە زێى بچووک لە سنورى ناحیەى ئاشتى لە سەیرانگاى بۆگد رزگار بکەن.
گەنجەکە، دانیشتوى شارى کەرکوکە و بەمەبەستى گەشت و سەیران رووى لە سەیرانگاکە کردووە.
لەلایەکى دیکەوە، تائێستا تەرمى ئەو هاوڵاتییە نەدۆزراوەتەوە کە بەیانى ئەمڕۆ لە زێى بچوک لە سنورى ناحیەى تەقتەق لە کاتى مەلەکردندا خنکا.
