بیناى بەڕێوەبەرایەتى هاتووچۆى سلێمانى
لەبارەى نوێکردنەوەى مۆڵەتى شۆفێرى
هاتووچۆى سلێمانى و گەرمیان شۆفێران ئاگادار دەکەنەوە
964+
وریا فەتاح
هەردوو بەڕێوەبەرایەتى هاتووچۆى سلێمانى و گەرمیان، ئاگادارییەک لەبارەى نوێکردنەوەى مۆڵەتى شۆفێرى بڵاو دەکەنەوە.
لە ئاگادارییەکەدا هاتووە، ئەوانەی بەمەبەستی نوێکردنەوەی مۆڵەتی شۆفێری دەیانەوێت بۆ سبەینێ پێنج شەممە سەردانى بەشى مۆڵەت بکەن، تا کاتژمێر 12:00 مامەڵە رایی دەکرێت، لەو کاتژمێرە بە دواوە بەهۆى ئەپدەیتکردنەوەی سیستمەکە کارکردن رادەگیرێت.
راگرتنەکە بەشێوەى کاتییە، بەڵام لە ئاگادارییەکەدا هیچ زانیارییەکى دیکە نەخراوەتەڕوو و تێیدا هاتووە کە لەگەڵ دەستبەکاربوونەوەى سیستەمە، شۆفێران ئاگادار دەکەنەوە.