دروستبوونی چاڵوچۆڵی لە شەقامەکانی دەرەوەی سلێمانی _ وێنە: شارەوانییەکانی سلێمانی
ئامادەکاری کراوە
پڕکردنەوەی چاڵوچۆڵی شەقامەکانی سلێمانی دەستپێدەکات
964+
ئەحمەد مستەفا
شارەوانی سلێمانی لە ناوەراستی مانگی نیسانی ئەمساڵ دەستدەکات بە نۆژەنکردنەوە و پڕکردنەوەی چاڵوچۆڵی رێگا سەرەکی و شەقامەکانی ناو شاری سلێمانی.
وتەبێژی شارەوانی بە 964ی وت، لە داهاتی خۆیان ئەو کارە ئەنجامدەدەن و دەستیان بە ئامادەکاری کردووە.
شەپۆلە باران بارینەکەی مانگی ئازاری ئەمساڵ، کاریگەری لەسەر زیادبوونی و درستبوونی چاڵوچۆڵی هەبووە، لە ناو شەقام و کۆڵانەکان و رێگا سەرەکییەکانی دەرەوەی شار.
زەردەشت رەفیق، وتەبێژی شارەوانی سلێمانی ئەمڕۆ دووشەممە 1.4.2024 بە 964ی وت، لە رۆژی 15.4.2024 دەستدەکەن بە نۆژەنکردنەوەی چاڵوچۆڵییەکان، ئامادەکاری دەستیپێکردووە و هەوڵی تەرخانکردنی بودجە دەدرێت بۆ سەرخستنی پڕۆژەکە و روپێوکردنی سەرجەم ناوچەکان ناو شار و رێگاکانی دەرەوەی شار.
بە قسەی وتەبێژی شارەوانی سلێمانی بێت، لە رێگەی لیژنەی لاوەکی و تیمەکانی خزمەتگوزاری هەوڵدەدەن لە مانگی نیسان و ئایاری ئەمساڵ کارەکانیان بە کۆتا بهێنن ئەوەشی وت، جگە لە نۆژەنکردنەوەی ژمارەیەک شەقامی ناوبازاڕ، قیری نوێ بۆ ژمارەیەک شەقام رادەکێشرێ تایبەت ژێرپردی مەولەوی.
بە پشتگیری ژووری بازرگانی سلێمانی ڤیزای چین وەردەگرن
