بە مشارێکی نایاسایی داری بڕیوە و دەستگیرکرا

964+

توانا نەقی

لەلایەن پۆلیسی دارستان و ژینگەی پێبازەوە کەسێک دەستگیرکرا کە بە مشارێکی نایاسایی داری بڕیوە.

ئەمڕۆ سێشەممە، پۆلیسی دارستانی گەرمیان بڵاویکردەوە، دوێنێ لەلایەن ئەو مەفرەزەوە کەسێک دەستگیر کراوە کە مشارێکی پێبووە و داری بڕیوە بە شێوەیەکی نایاسایی.

دەشڵیت، چالاکیەکەیان لە سنووری گوندی قولەبەرز ئەنجامداوە و کەسێکیان دەستگیر کردووە و دەستیان گرتووە بەسەر مشارێکی داربڕینیشدا.

ئەو کەسە رەوانەی لایەنی پەیوەندیدار کراوە و لێپرسینەوەی یاسایی لەگەڵ دەکرێت و سزا دەدرێت.

بە پێی بڵاوکراوەی پەیجی دارستانی گەرمیان لە مانگی پێشووشدا هەر لە هەمان سنوور ولە ناحیەی پێباز سێ هاوڵاتی کە داریان بڕیبوو بە شێوەی نایاسایی دەستگیر کراون.