دابەشکردنی نەوت بەسەر هاوڵاتیاندا بەردەوامە

964+

توانا نەقی

وەزارەتی سامانە سروشتییەکانی هەرێم تا رۆژی 12.3.2024 نزیکەی 252 ملیۆن لیتر نەوتی سپی بەسەر هاووڵاتیاندا دابەش کردووە.

ئامارەکان ئەمڕۆ چوارشەممە وەزارەتەکە بڵاویکردووەتەوە و ئاماژەی بەوەشکردووە لە هەریەک لە پارێزگاکانی هەرێم چەند لیتر نەوت دابەشکراوە.

دابەشکردنەکە بەشێوازێکە، هەولێر، نزیکەی 96 ملیۆن لیتر، سلێمانی و هەڵەبجە، نزیکەی 102 ملیۆن لیتر و دهۆک نزیکەی 54 ملیۆن لیتر نەوت دابەشکراوە.

ئاماژەی بەوەشکردووە، تا ئێستا نزیکەی یەک ملیۆن و 258 هەزار خێزان لە وەرگرتنی نەوتی سپیی حکومەتی هەرێم سوودمەند بوون و دەکاتە رێژەی زیاتر لە 97%ـی کۆی ژمارەی خێزانەکانی هەرێم.

دابەشکردنەکە بە رێژەی سەدی بەسەر پارێزگاکاندا بەم شێوەیە:
هەولێر: نزیکەی 100%
سلێمانی و هەڵەبجە: نزیکەی 97%
دهۆک: نزیکەی 96%

جگە لەو نەوتەی وەزارەتی سامانە سروشتیەکانی هەرێم دابەشیکردووە، وەزارەتی نەوتی عێراقیش تا رۆژی 12.3.2024 نزیکەی 45 ملیۆن لیتر نەوتی سپی بۆ هەرێمی کوردستان ناردووە و بەسەر چوار پارێزگاکەدا دابەشکراوە.

دابەشکردنی نەوتی سپی هاوڵاتیانی لە داربڕین دوور خستووتەوە