پارەیان داوە و پرۆژەکەیان تەواو نەبووە
ژمارەیەک هاوڵاتی لەبەردەم ئەنجومەنی وەزیران گردبوونەوە
964+
شۆرش عەبدوڵا – هەولێر
گردبوونەوەی ژمارەیەک هاوڵاتی لە بەردەم ئەنجوومەنی وەزیران لە هەولێر بەڕێوەچوو، هاوڵاتییەکان لە یەکێک لە پرۆژەکان شوقەیان کڕیوە و دەبوو کۆتایی 2023 تەواو بووایە، بەڵام ئێستاش تەواو نەبووە..
ئەو پرۆژەی تەواو نەکراوە، ناوی ئینگلیش تاوەرە، پرۆژەکە لە تەنیشت گوندی ئینگلیزییە و 960 شوقەیە، تەنیا هەیکەلی کراوە لە کاتێکدا بڕیاربووە لە ساڵی 2023 رادەستی خاوەنەکانیان بکرێتەوە.
یەکێک لەو هاوڵاتیانەی ناڕەزایی هەیە، بە 964ـی وت، ئەمە دووەمجارە گرددەبنەوە و پارەیەکی زۆریان داوە، کەچی شوقەکانیان هەر تەواو نابێت و ناشزانن کەی تەواو دەبێت، پێشتر مەتری هەزار و 30 دۆلاریان پێداوە و ئێستا 800 دۆلاریش ناکات.
پێداچوونەوە: توانا نەقی
