داهاتی سلێمانی 18 ملیار دینار زیاترە لە هەفتەی پێشوو

964+

ژووری هەواڵ

داهاتی ناوخۆیی هەردوو پارێزگای سلێمانی و هەڵەبجە لە هەفتەی رابردوودا زیاتر لە 20 ملیار دینارە، ئەمە بەگوێرەی ئامارەکانی ماڵپەڕی شافافییەت.

ماڵپەڕی شەفافییەت تایبەتە بە ئاشکراکردنی داهاتە نانەوتییەکانی هەریەکە لە پارێزگاکانی سلێمانی، هەڵەبجە و ئیدارە سەربەخۆکانی گەرمیان و راپەڕین.

بەپێی زانیارییەکانی ماڵپەڕەکە لەماوەی 24ی شوبات تاوەکو 1ی ئازار، کۆی داهاتی کۆکراوەی نانەوتی ئەو ناوچانە 20 ملیار و 462 ملیۆن و 906 هەزار و 206 دینار بووە.

“لەو بڕە 19 ملیار و 282 ملیۆن و 980 هەزار و 600 دیناری بە شێوەی نەختینەیە و یەک ملیار و 179 ملیۆن 925 هەزار و 606 دیناریشی بەشێوەی چەکی بانکییە”، بەگوێرەی زانیارییەکانی ماڵپەڕەکە.

داهاتی ئەم هەفتەیەی ئەو ناوچانە نزیکەی 18 ملیار زیاترە لە هەفتەی رابردوو. کۆی داهاتی هەفتەی رابردوو بریتی بووە لە دوو ملیار و 130 ملیۆن و 129 هەزار و 310 دینار.

داهاتی ئەم هەفتەیەی سلێمانی بە رێژەیەکی بەرچاو کەمیکردووە