هەفتەیەکە
هەورە بروسکە کارەکانى فەرمانگەى کارتى نیشتمانى قوشتەپەى راگرتووە
964+
ئەحمەد شەمزین – هەولێر
بەهۆى هەورە بروسکەوە، ماوەى هەفتەیەکە کارەکانى فەرمانگەى ناسنامە و کارتى نیشتمانى قوشتەپە راگیراوە.
یوسف ناسیح، بەڕێوەبەرى فەرمانگەکە بە 964ـى وت،”پێنج شەممەى رابردوو، بەهۆى هەورە بروسکەوە هێڵى ئینتەرنێتى ئەو ئامێرەى مامەڵە ئەلیکترۆنییەکان دەنێرێت بۆ بەغداد، وەستاوە و بەهۆیەوە کارەکانى راییکردنى هاوڵاتییان وەستاوە”.
دواى ئەوەى فەرمانگەکە، بەڕێوەبەرى کارتى نیشتمانى هەولێر ئاگادار دەکەنەوە و نوسراو دەکەن بۆ بەغداد، بە وتەى یوسف ناسیح، بڕیارە سبەینێ لیژنەیەکى هاوبەش لە نێوان هەولێر و بەغداد، بۆ چارەسەرکردنى کێشەکە سەردانیان بکەن.
بەوتەى بەڕێوەبەرەکەى، فەرمانگەى ناسنامە و کارتى نیشتمانى قوشتەپە، رۆژانە مامەڵە بۆ 100 هاوڵاتى سنورەکە رایى دەکەن.
پێداچوونەوە- وریا فەتاح
