لە فێستیڤاڵێکدا نمایشکران
لە لایەن خوێندکارانی پەیمانگایەکەوە لە زاخۆ 42 داهێنان ئەنجامدراوە
964+
شڤان عەبدوڵا – زاخۆ
خوێندکارانی پەیمانگای زاخۆی ناحکومی چەندان داهێنانیان کردووە و لە فێستیڤاڵێکدا نمایشکران.
ئەمڕۆ دووشەممە 26.2.2024 پەیمانگای ناحکومی زاخۆ لە رێگەی خوێندکارەکانیانەوە 42 داهێنانی جۆراوجۆریان ئەنجام دا و نمایشکران.
داهێنانە جۆراوجۆرەکان پێکهاتبوون لە ( پڕۆگرامکردنی رۆبۆتێک، دروستکردنی گۆچانی نابیناکان، سیستمی پارک، سکیوریتی، سیستەمی ژمێریاری و چەندین پڕۆژەی دیکە ).
ئەیاز خالید سەرپەرشتیاری فێستیڤاڵەکە بە 964ـی وت، 42 داهێنانی جۆراوجۆریان لە فێستیڤاڵەکەدا نمایش کردووە، کە لەلایەن خوێندکارانی خۆیانەوە دروستکراون و پرۆژەی دیکەشیان لەبەردەستدایە لە چەند بوارێکی دیکەدا داهێنان بکەن.
یەکێک لە خوێندکارە داهێنەرەکانیش دەڵێت، گۆچانێکی بۆ نابینایان دروستکردووە کە لە مەودای 10 بۆ 12 سانتیم هەستەوەرەکەی کار دەکات و نابیناکە ئاگادار دەکاتەوە.
پێداچوونەوە: توانا نەقی
