لە رانیە
ژینگەپارێزان گردبوونەتەوە و دەڵێن: کۆمپانیا موچەی 100 رۆژی پێ نەداوین
964+
ژێوار خدر – راپەڕین
ژینگە پارێزانی سنوری ئیدارەی راپەڕین لەبەردەم باخی گشتی رانیە گردبوونەتەوە و دەڵێن: موچەکەمان 300 هەزار دینارە کەچی 100 رۆژە وەرماننەگرتووە.
یەکێک لەو ژینگەپارێزانە دەڵێت، “سێ مانگە موچەکەم وەرنەگرتووە، 600 هەزار دینار قەرزارم و حاڵم زۆر خراپە”،
بەوتەی ئەو ژینگەپارێزانە حکومەت پارە بۆ کۆمپانیا دابین ناکات و ئەمەش وایکردووە کۆمپانیاکە نەتوانێت لەکاتی خۆیدا موچەکەنیان پێبدات.
لەماوەی رابردوودا چەند جارێک ژینگەپارێزانی سنوری ئیدارەی راپەڕین مانیان گرتووە و بۆ ماوەی چەند مانگێک هیچ خۆڵ و خاشاکێکی ناوچەکەیان کۆنەکردوەتەوە، لە گردبوونەوەی ئەمجارە داوا دەکەن موچەکانییان پێبدرێت.