پاسپۆرتی عێراقی
بەمزوانە پاسپۆرتەکانتان دەکرێت بە ئەلیکترۆنی
+964
كوردستان ئەحمەد – هەولێر
وەزیری ناوخۆی عێراق دەڵێت، پاسپۆرتی عێراقی دەكرێت بە ئەلیکترۆنی لە سەرجەم ناوچەکان، لە سەرەتادا لە بەغدا بە شێوەی ئەزموونی دەستپێدەکات.
پاسپۆرتی ئەلیکترۆنی واتە پاسپۆرتی زیرەکتر لەوەی ئێستا هەیە، دەتوانێت رۆتیناتی هاوڵاتیان کەمتربکاتەوە.
عەبدولئەمیر شەمەری، وەزیری ناوخۆی عێراق لە كۆنفرانسێكی رۆژنامەوانیدا رایگەیاند، لە سەرەتای مانگی شوباتی 2023، سیستمی پاسپۆرتی ئەلیکترۆنی لە بەغدا دەستپێدەکات.
بە قسەی ئەو وەزیرە، بە ئەلیکترۆنیکردنی پاسپۆرت بۆ كەمكردنەوەی رۆتینات و ئاسانكاریکردنە بۆ كاری هاوڵاتیان.
964+ دەزانێت، تەنیا پاسپۆرت نییە، بەڵکو ڤیزاش دەکرێت بە ئەلیکترۆنی.
لەكاتی بە ئەلیكترۆنی كردنەكەدا پاسپۆرتەكە چەند گۆرانكاریەكی بەسەردا دێت، كوالیتی وێنەی كەسەكە بەرزدەكرێتەوە، هێڵێكی ئەلیكترۆنی لەسەر دروستدەكرێت.