ژمارەیەک هاوڵاتی لە کاتی وەرگرتنی نەوتدا
بۆ جارى دووەم لەمساڵدا
سبەینێ دانیشتوانى وەرتێ نەوت وەردەگرن
964+
وریا فەتاح
بڕیارە سبەینێ چوارشەممە، هەر ماڵێکى سنورى ناحیەى وەرتێ 100 لیتر نەوت وەربگرن، ئەوەش بۆ جارى دووەمە لەمساڵدا نەوت وەردەگرن.
شۆڕش حەسەن، بەڕێوەبەرى ناحیەى وەرتی بە 964ى وت،”سبەینێ بڕى 100 لیتر نەوت کە حکومەتى هەرێم دابینى کردووە، بەسەر دانیشتوانى ناحیەى وەرتێدا دابەشدەکرێت، دابەشکردنەکەش لە رێى بریکارەکانى خۆراکەوەیە”،
لە بەرامبەر 100 لیتر نەوتەکەدا، هاوڵاتیان بڕى 30 هەزار دینار دەدەن بە بریکارەکانى خۆراک، بە وتەى بەڕێوەبەرى ناحیەى وەرتێ، ئەگەر هاوڵاتیان لاى بریکارەکان نەوتەکەیان وەربگرن بڕى 30 هەزاریان لێوەردەگیرێت، بەڵام ئەگەر تانکەرەکان بچنە بەردەم ماڵەکان ئەوا بڕى 32 بۆ 33 هەزار دینار بۆ هەر بەرمیلێک وەردەگیرێت.
پێشتریش لە مساڵدا، بڕى 200 لیتر نەوتى سپى ماڵان کە لەلایەن حکومەتى عێراقەوە دابینکرابوو بەسەر دانیشتوانى ناحیەکەدا دابەشکرا و بۆ هەر 200 لیترێکیش بڕی 103 هەزار دینار لە هاوڵاتیان وەرگیرا.
