فۆتۆ، سۆسیال میدیا
لە ئاکرێ چوار کەس دەستگیرکران بە تۆمەتی دزینی کێبڵی کارەبا
+964
هێڤی دێوالی – دهۆک
پۆلیسی ئاکرێ چوار کەسی دەستگیرکردووە، بە تۆمەتی دزینی کێبڵی کارەبا، زێڕ، پارە، مۆبایل و چەکی کڵاشینکۆف.
عیماد حسێن، به‌ڕێوه‌به‌رى راگه‌یاندنى پۆلیسی ئاكرێ به +964ی وت، ئەمڕۆ دووشەممە، مەفرەزەکانیان ئەو کەسانەیان دەستگیرکردووە.
وتیشی، ده‌ستگیركردنى ئه‌و چوار كه‌سه دواى ئه‌وه دێت، كه ژماره‌یه‌ك هاوڵاتى سكاڵایان له نوسینگه‌ى نه‌هێشتنى تاوان له ئاكرێ له‌سه‌ر ئه‌و كه‌سانه تۆماركردبوو.
به‌پێی ئەو زانیارییانەی ده‌ست +964 کەوتووە، تەمەنى دوو له‌و تۆمه‌تبارانه كه‌متر له 18 ساڵه و دووانه‌كه‌ی تریش له سه‌روو 18 ساڵن.
به قسه‌ى پۆلیس، هه‌ر چوار تۆمه‌تباره‌كه له به‌رده‌مى دادوه‌رى قه‌زاى ئاكرێ دانیان به تاوانه‌كانیان ناوه.
964+ دەزانێت، له یه‌كه‌مین رۆژى سه‌رى ساڵی 2023 تاوەکو ئێستا، چه‌ند حاڵه‌تێكی دیكه‌ى دزیكردن له سنوورى ئاكرێ روویانداوه.