فەرمانگەی تەندروستی کەرکوک. فۆتۆ: 964+
تەندروستی عێراق بڕیاریداوە
زیاتر لە 2000 کارمەندی تەندروستی کەرکوک زەوی وەردەگرن
964+
ژووری هەواڵ
وەزارەتی تەندروستی عێراق رایگەیاند، زیاتر لە دوو هەزار پارچە زەوی بەسەر فەرمانبەرانی بەڕێوەبەرایەتی تەندروستی کەرکوکدا دابەشدەکات، تەندروستی پارێزگاکەش دەڵێت، پرۆسەی دابینکردنی زەوییەکان دەستیپێکردووە و ئەمە دووەم جارە پێیان دەدرێت.
ئەمڕۆ هەینی 9.2.2024، سامان یابە، وتەبێژی تەندروستی کەرکوک بە 964ـی راگەیاند، شوێنی زەوییەکان دیاریکراوە و باس لەوە دەکرێت کە بەشێکیان لە ناوچەی یارمتە بن، پێشتریش نزیکەی 150 پارچە زەوی بەسەر فەرمانبەرانی تەندروستی پارێزگاکەدا دابەشکراوە.
بڕیارەکە هەموو کارمەندانی تەندروستی لە سنوری تازە، داقوق، حەویجە، دوبز و سەنتەری کەرکوک دەگرێتەوە و زۆرترین پارچە زەوی بەر کارمەندانی تەندروستی سنوری شاری کەرکوک دەکەوێت.
وەزارەتی تەندروستی عێراق دەڵێت، ئەو فەرمانبەرانە بەگوێرەی بڕیاری ئەنجوومەنی وەزیران ژمارە 31ـی ساڵی 2020 و نووسراوەکانی ژمارە 4263ـی ساڵی 2013 و 854ـی ساڵی 2020 زەوییان پێدراوە.
بەپێی قەزاکان ئەو فەرمانبەرانەی ناویان دەرچووە، بەمشێوەیەیە: 934 فەرمانبەری تەندروستی ناوەندیی کەرکووک، 905 فەرمانبەر لە حەویجە، 69 فەرمانبەر لە دووبز، 68 فەرمانبەر لە تازە و 270 فەرمانبەر لە داقوق، کە کۆی گشتیان دەکاتە 1385 فەرمانبەر.
لەم لینکەوە ناوی ئەو کەسانە بڵاوکراوەتەوە کە زەویان پێدەدرێت.
