قائیمقامیەتی سلێمانی: لە مانگی رابردوو تەنها شەش شوێن داخراون

964+

ژووری هەواڵ

قائیمقامیەتی سلێمانی راگەیەندراوێکی بڵاوکردەوە کە تیایدا ئاماژە بە کەمبوونەوەی ژمارەی سەرپێچی و داخستنەکان لە شارەکەدا کراوە لە ماوەی مانگی رابردوو. بەپێی ئەم راگەیەندراوە، لیژنە هاوبەشەکانی قائیمقامیەت 6,687 سەردانیان بۆ دوکان و بازاڕ و شوێنە گشتییەکان ئەنجامداوە، کە لەوانە 614 سەرپێچی تۆمارکراوە و 282 ئاگادارکردنەوە بۆ پابەندبوون بە مەرج و رێنماییەکانی کارکردن دابینکراون.

بە هۆی پابەند نەبوون بە مەرج و رێنماییەکانی کارکردن، شەش شوێنی کارکردن داخراون و یەک شوێنی دیکە روبەروی دادگا کراوەتەوە، کە دەریخست کەمبوونەوەیەکی بەرچاو لە ژمارەی داخستنەکان لە بەراورد بە مانگی پێشوتر کە 52 شوێن بوو.

لیژنەکان هەروەها دەستیان بەسەر 31 تۆن و 261 کیلۆگرام کاڵا و خۆراکی جۆراوجۆردا گرتوە کە خراپبوون و نەشیاو بوون بۆ خواردن و بەکارهێنان. ئەم کاڵا نامۆیانە لە ناوچەی دەرەوەی نیشتەجێبوون و لەلایەن لیژنەی تایبەتمەندەوە لەناوبراون.

بەرپرسانی قائیمقامیەت ئاماژەیان بەوە کرد کە بە هۆی سەرپێچیکردن لە مەرج و رێنماییەکان، ژمارەیەک شوێنی کارکردن سزای دارایی دراون کە بڕەکەی 40 ملیۆن دینارە و بەپێی یاسا دەخرێتەوە سەر داهاتی گشتی.

قائیمقامیەتی سلێمانی رێگای پەیوەندیکردنی بۆ گەیاندنی سکاڵا و زانیاری ئاشکرا کرد، کە پەیوەندی بە ژمارە مۆبایلی 07708677777ـەوە دەکرێت.

مانگی رابردوو قایمقامیەتی سلێمانی 52 شوێنی داخستووە