دوو سەنتەرى جوانکارى ئافرەتان داخران

964+

وریا فەتاح

دوو سەنتەرى جوانکارى ئافرەتان لە شارى دهۆک، لەلایەن ئاسایشەوە داخران کە کارمەندانیان خۆیان بە دکتۆرى جوانکارى ناساندبوو، بەڵام بڕوانامەیان نەبووە.

بەپێى راگەنراوێکى بەڕێوەبەرایەتی ئاسایشی دهۆک کە ئەمڕۆ 30.1.2024 بڵاوى کردووەتەوە تێیدا هاتووە، دوای تۆمارکردنی چەندین سکاڵا لەلایەن هاووڵاتیانەوە،ئاسایشى دهۆک بەدواداچوونى بۆ شوێنەکە کردووە و بە هاوکارى لقی دهۆکى سەندیکای پزیشکانی کوردستان و  بەفەرمانی دادوەر هەردوو سەنتەرەکەى داخستووە.

ئاسایشى دهۆک لە راگەیەنراوەکەیدا ئاشکراى کردووە، ئەو  کەسانەی  لەو سەنتەرانە خۆیان بە دکتۆری جوانکاری ناساند بوو، هیچیان بروانامەی پزیشکیان نەبووە.