بۆ پاڵپشتى هەولێر لە سلێمانى گردبونەوە دەکرێت

964+

وریا فەتاح

بڕیارە پێشنیوەڕۆى ئەمڕۆ، بەشێک لە چالاکوانان و نوسەران و رۆشنبیرانى شارى سلێمانى، لەبەردەم نوسینگەى پەرلەمانى عێراق گردببنەوە و تێیدا ئیدانەى هێرشى سوپاى پاسداران بۆسەر هەولێر بکەن.

964 زانیویەتى، گردبوونەوەکە لەبەردەم نوسینگەى پەرلەمانى عێراق لە شارى سلێمانى بەرێوە دەچێت و تێیدا، نوسەران، رۆژنامەنوسان، چالاکوانان و بەشێک لە نوخبەى سیاسى بەشدارى تێدا بکەن.

بڕیارە لە گردبوونەوەکەدا، یاداشتێک بخوێندرێتەوە و کە ئیدانەى هێرشەکەى سوپاى پاسداران بۆسەر هەولێر بکات و لە پاڵیدا باس لەو دەستدرێژیانە بکەن کە لەلایەن تورکیاوە دەکرێتە سەر هەرێم.

یاداشتەکە ئاراستەى نوێنەرانى کورد دەکرێت و داوایان لێدەکرێت کە لە دانیشتنى ئەنجومەنى نوێنەراندا، یاداشتەکە بخوێندرێتەوە.