بەردەم قایمقامیەتی قەزای مێرگەسۆر دەردەکەوێت کە سپی پۆش بووە لەگەڵ بەفر. وێنە: قایمقامیەتی قەزای مێرگەسۆر.
ساڵی پار رێژەکە چەند بووە؟
ئەمساڵ لە مێرگەسۆر پێنج هێندەی ساڵی پار بەفر و باران باریووە
964+
ژووری هەواڵ
ئەمساڵ قەزای مێرگەسۆر ژمارەی پێوانەیی تۆمارکردووە و دەشت و دەری ئاودێر بووە، ئەمساڵ پێنج هێندەی ساڵی پار باران و بەفری لێ باریووە.
قایمقامیەتی قەزای مێرگەسۆر رایگاندووە، تا ئەمشەو شەممە ئاستی بارینی باران و بەفر رێژەیەکی پێوانەیی تۆمارکردووە و هەزار و 197 ملم باران و حەوت سانتیمەتر بەفر باریووە، لە کاتێکدا ساڵی پار تا ئەم کاتانە تەنیا 277 ملم باران باریبوو.
ئاستی بەفر و بارانی ئەمساڵ لەبارینی پێراریش زیاترە، ساڵی 2022 تا ئەم کاتانە 470 ملم باران و هەشت سانتیمەتر بەفر باریبوو.
قایمقامیەتی مێرگەسۆر ئەوەشی راگەیاندووە، لە 24 کاتژمێری رابردوودا 67 ملم باران لە قەزاکەیان باریووە.
