ساتی لەنێوبردنی بەشێک لەو خواردنەی ساڵی رابردوو دەستیبەسەرداگیراوە. فۆتۆ: تەندروستی چەمچەماڵ
ئاماری ساڵی رابردوو
لە چەمچەماڵ 52 تۆن خواردن و خواردنەوە دۆزراوەتەوە
964+
ساڵی رابردوو مارکێت و دووکانەکانی چەمچەماڵ ویستویانە زیاتر لە 52 تۆن خواردن و خواردنەوەی خراپ بەسەر خەڵکدا ساغبکەنەوە، بەڵام رێگریان لێکراوە و سزا دراون.
ئەمڕۆ دووشەممە 8.1.2024، د.شەریف رەحیم، جێگری بەڕێوبەری تەندروستی چەمچەماڵ بە964ـی وت، ساڵی رابردوو لەسەر فرۆشتنی خواردن و کەلوپەلی خراپ 120 شوێن غرامە کراون و 66 شوێنیش داخراون.
مەڵبەندی خۆپاراستنی تەندروستی چەمچەماڵ بە هاوکاری لیژنە هاوبەشەکانی قایمقامیەتی چەمچەماڵ سێ هەزار و 60 شوێنیان بەسەر کردووەتەوە و لەئەنجامدا 52 تۆن و 600 کیۆ خواردن و خواردنەوەی ماوەبەسەرچوویان دۆزیوەتەوە و لەنێویانبردووە.
هەر لە ساڵی رابردوودا 404 مۆڵەتی پیشەیی تازەکراوەتەوە و 1204 ناسنامەی تەندروستی بۆ پیشەوەران دەرهێنراوە و 1101 پشکنین و شیکاری لە بەشی تاقیگە بۆ پیشەوەران کراوە.
