دیمەنی نەخۆشخانەی شەهید پێشڕەو لە چەمچەماڵ.وێنە.تەندروستی چەمچەماڵ
لە چەمەچەماڵ
لەماوەی دوو هەفتەدا 99 نەشتەرگەری بێبەرامبەر کراوە
964+
توانا نەقی
لەماوەی دوو هەفتەی رابردوودا نزیکەی 100 نەشتەرگەری جۆراوجۆری بێبەرامبەر لە نەخۆشخانەی گشتی شەهید پێشڕەو لە چەمچەماڵ ئەنجامدراوە.
ئەمڕۆ شەممە، تەندروستی چەمچەماڵ بڵاویکردەوە، بەهاوکاری پزیشک و یاریدەدەرانی سڕکاری و تەواوی ستافی نەشتەرگەری و سەرجەم پزیشک و کارمەندانی نەخۆشخانەکە ئەو نەشتەرگەریانە ئەنجامدراون.
55 نەشتەرگەری گشتی ئەنجامدراون و لەگەڵ 21 نەشتەرگەری قورگ و لوت و گوێ، هەروەها 12 نەشتەرگەری گورچیلە و میزەڕۆ لەگەڵ 10 نەشتەرگەری ئێسک و جومگە و شکاوی ئەنجامدراون لەگەڵ یەک نەشتەرگەری چاو.
ژمارەی هەموو نەشتەرگەرییەکان دەگاتە 99 نەشتەرگەری و سەرجەمیان لە نەخۆشخانەکە بێ بەرامبەر بۆ هاوڵاتیان ئەنجامدراون.
