گرافیك: 964+
كه‌مێك له‌مه‌وبه‌ر گه‌یندرانه هه‌ولێر
له شه‌قڵاوه دوو ته‌رمى نه‌ناسراو دۆزرانه‌وه
964+
فه‌رهاد حه‌سه‌ن
سه‌ر له ئێواره‌ى ئه‌مڕۆ چوارشه‌ممه 27.12.2023 دوو ته‌رمى نه‌ناسراو له شه‌قڵاوه دۆزرانه و پۆلیس ده‌ستى به لێكۆڵینه‌وه كردووه و هه‌ردوو ته‌رمه‌كه‌ش ره‌وانه‌ى هه‌ولێر كراون.
سه‌رچاوه‌یه‌كی به‌رپرس له شه‌قڵاوه به 964ـى وت ته‌رمه‌كان ژن و پیاوێكن، نازاندرێت كێن و چی یه‌كترین، چونكه هیچ ناسنامه‌یه‌كیان پێ نیه.
به‌قسه‌ى ئه‌و سه‌رچاوه‌یه، ته‌رمه‌كان ده‌مێكه له شه‌قڵاوه فڕێدراون و كاتى گیانله‌ده‌ستدانیان نادیاره.
وتیشی ، پۆلیس ده‌ستى به لێكۆڵینه‌وه كردووه.
964 ده‌زانێت ، ئێستا ئه‌و دوو ته‌رمه له پزیشكى دادى هه‌ولێرن و وه‌ك له ته‌رمه‌كان ده‌رده‌كه‌وێت ماوه‌یه‌كی زۆره گیانیان له‌ده‌ستداوه، چونكه به‌شێكى زۆرى جه‌سته‌ى پیاوه‌كه و ده‌موچاوى ژنه‌كه خوراون.
