نەخۆشخانەی فریاکەوتنی رۆژئاوای هەولێر لەسەر شەقامی 100 مەتری _ وێنە: 964
ماوەی 24 كاتژمێر له هه‌ولێر
57 حاڵه‌تى به‌ربونه‌وه و 9 رووداوى هاتوچۆ چونه‌ته نه‌خۆشخانه‌یه‌ك
964+
فه‌رهاد حه‌سه‌ن
به‌پێی ئامارێك، ته‌نیا له ماوه‌ى 24 كاتژمێردا 57 حاڵه‌تى به‌ربوونه‌وه گه‌یشتوونه‌ته نه‌خۆشخانه‌ى فریاكه‌وتنى رۆژئاوى هه‌ولێر و نۆ حاڵه‌تى رووداوى هاتوچۆشیان بۆ چووه.
نه‌خئشخانه‌كه ئامارى چه‌ندین حاڵه‌تى جیاجیاى بڵاوكردووه‌ته‌وه كه له‌ماوه‌ى 24 كاتژمێرى رۆژى 26.12.2023 بۆ نه‌خۆشخانه‌كه‌یان چووه.
ته‌واوى ئه‌و حاڵه‌تانه‌ى كه له‌و ماوه‌یه له به‌شی فریاكه‌وتن پێشوازیان كردوون، بریتی بووه له 370 حاڵه‌تى جیاجیا.
جگه له‌و دوو حاڵه‌ته‌ى سه‌ره‌وه، چوار حاڵه‌تى شكان، 15 زەبری دەرەکی، یه‌ك حاڵه‌تى دووپشک پێوەدان، چوار حاڵه‌تى سەگ گەستنیان هه‌ر له‌و ماوه‌یه‌ىدا بۆ چووه.
ئاماژه به‌وه‌شكراوه له به‌شی راوێژکاری ئه‌م نه‌خۆشخانه‌یه‌ش هه‌ر له ماوه‌ى 24 كاتژمێره‌كه چاره‌سه‌رى 247 نه‌خۆشی دیكه‌یان كردووه كه حاڵه‌تى جیاجیایان هه‌بووه.
