حەوت تیم سەرقاڵی کوژاندنەوەن
لەرێگای گوێڕ پاڵاوگەیەک ئاگری گرتووە
964+
شۆڕش هەرکی – هەولێر
کەمێک لەمەوبەر لەسەر رێگای گوێڕ پاڵاوگەی مەتین گڕیگرتووە، بەرگری شارستانی هەولێر دەڵێت، حەوت تیم لەوێن و هێشتا ئاگرەکە کۆنتڕۆڵ نەکراوە.
کاروان میراودەلی وتەبێژی بەرگری شارستانی هەولێر بە 964ی راگەیاند، لە کاتژمێر 9:46ی ئەمشەو ئاگر لەو پاڵاوگەیە کەوتووەتەوە و هێشتا کۆنتڕۆڵ نەکراوە.
بەوتەی کاروان میراودەلی، زیانی گیانی نییە و هێشتا نازانرێت هۆکاری کەوتنەوەی ئاگرەکە چی بووە.
ئەوەشی وت، ئاگرەکە لە ژێر کۆنتڕۆڵە، ئەگەرچی کەمێک لەمەوبەر لە تەشەنەسەندن بوو.
