خورماڵ بە نوێنەرایەتى عێراق خەڵاتەکانى پاڵەوانیەتیەکی نێودەوڵەتى چنییەوە

964+

وریا فەتاح

ئەکادیمیای شۆتۆکانی خورماڵ (شۆتۆکان لقێکی وەرزشی کاراتێتە)، کە سەر بە یانەی وەرزشى خورماڵە، لە 18ـەهەمین پاڵەوانیەتی نێودەوڵەتى ئێران، نوێنەرایەتى هەڵبژاردەى عێراقى کرد و لەناو 10 وڵاتى بەشداربوودا، پلەى دووەمیان بەدەستهێنا،  هەڵبژاردەى کاراتى ئێران، پلەی یەکەمى پاڵەوانێتییەکەى بەدەستهێناوە.

رابەر زاهیر، راهێنەرى شۆتۆکانى هەڵبژاردەى عێراق، بۆ 964 قسەى کردووە و دەڵێت: یانەى وەزرشى کاتاى خورماڵ و بەشى کاراتى یانە وەرزشى پەیمان کە لە 50 یاریزان پێکهاتبوو، 38 یاریزانى خورماڵ و 12 یاریزانەى پەیام، بە نوێنەرایەتى هەڵبژاردەى عێراق بەشدارى ئەو پاڵەوانیەتییەیان کرد.

لە پاڵەوانیەتیەکەدا و لەسەر ئاستى وەرزشى کاتاى، هەڵبژاردەى عێراق 54 مەدالیای زێڕ و زیوو و بڕۆنزیان بردەوە و دووەمى پاڵەوانیەتیەکە و پلەى یەکەمى کاتاى مسۆگەرکرد.

یاریزانانی خورماڵ بە 42 مەدالیای جۆراوجۆرەوە دەگەڕێنەوە خورماڵ، 15مەدالیایان زێرە و 12یان زیو و 18شیان برۆنزن.