لۆگۆی ئاسایشی سلێمانی.
ڤیدیۆیەکی تایبەت ببینە
ئاسایشی سلێمانی: دوو بازرگانی ماده‌ی هۆشبه‌ر به بریندار ده‌ستگیر كران
964+
ئه‌رسه‌لان عه‌بدوڵا
كه‌مێك پێش ئێستا دەزگای ئاسایشی هەرێم – سلێمانی، رایگه‌یاند، دوو بازرگانی ماده‌ی هۆشبه‌ریان به برینداری ده‌ستگیر كرد، دوای ئه‌وه‌ی رووبه‌ڕوویان بوونه‌ته‌وه.
ده‌زگای ئاسایش ده‌ڵێت، “بە فەرمانی دادوەری لێکۆڵینەوە، ئه‌مڕۆ 19.12.2023دوای چاودێریکردنی دوو بازرگانی مادەی هۆشبەر، کە پێشینەی تاوانیان هەبووە و لە کاتی مامەڵە کردنیان بە مادەی کریستاڵ، هێزەکانی ئاسایش هەوڵی دەستگیرکردنیان دەدەن و تۆمەتباران بە بۆمبی دەستی و چەکی جۆری دەمانچە رووبەڕووی هێزەکانمان بوونه‌وه و هەوڵی راكردنیان دا
، بەڵام لەئەنجامدا هێزەکانی ئاسایش هەردوو تۆمەتباریان بە برینداری دەستگیر كرد.
ئاسایش شوێنی رووداوه‌كه و ده‌ستگیر كردنی تۆمه‌تباره‌كانی ئاشكرا نه‌كردووه، به‌ڵام ده‌ڵێن ده‌ستیان به‌سه‌ر بڕی زیاتر لە یه‌ك کیلۆگرام مادەی هۆشبەری جۆری کریستاڵدا گرتووه.
