نرخی نەوت لە بازاڕەکانی جیهاندا جێگیرە

964+

توانا نەقی

نرخی نەوت بە تایبەت برێنت هەرچەندە تۆزێک بەرزبوونەوەی بەخۆوە بینیوە، بەڵام لە چاو دوێنێ و پێرێدا بە جێگیری ماوەتەوە.

ئەمڕۆ یەکشەممە لەکاتی ئامادەکردنی ئەم هەواڵە نرخی هەر بەرمیلێک نەوتی برێنت بە 76 دۆلار و 95 سەنت بووە نرخەکەش بە رێأەی 0.44% بەرزبوونەوەی بەخۆوە بینیوە.

هۆکاری ئەو گۆڕانکاریە کەمە و بەرزبوونەوە رێژەییەی نرخی نەوت بۆ ئەو پێشبینیانە دەگەڕێتەوە کە ئاژانسی وزەی جیهانی کردوەیەتی، دەوترێت لەگەڵ دەستپێکی ساڵی نوێ خواست لەسەر کڕینی نەوت زیاد دەکات.

هەرچی نرخی بەرمیلێک نەوتی سوکی تەکساسیشە بەڕێژەی %0.23 نزمبووەتەوە و هەر بەرمیلێکی بە 71 دۆلار و 43 سەنتە.

لەماوەی ئەم مانگە نرخی نەوت لەسەرووی 75 دۆلار مامەڵەی پێوەکراوە، بەڵام نزیکەی سێ هەفتە لەمەوپێش بە 84 دۆلار مامەڵە دەکرا بە بەرمیلێک نەوتەوە کە لەو کاتەوە نەگەشتووەتە ئەو ئاستە