کارمەندێک خەریکی چێککردنەوەی بۆرییەکانی نەوتە لە بەندەری جەیهان. وێنە: Reuters
ئەندامێکی نوێی بۆ زیاد بوو
APIKUR: رێژەی 50٪ـی نەوتی هەرێم بەرهەمدەهێنین
964+
ژووری هەواڵ
کۆمەڵەی پیشەسازی نەوتی کوردستان، کە بە APIKUR ناسراوە، بەئەندامبوونی کۆمپانیایەکی نوێی نەوتی راگەیاند و دەڵێت، بەرهەمهێنانی زیاتر 50٪ـی نەوتی هەرێم لەلایەن ئەوانەوەیە.
بەگوێرەی راگەیەندراوێکی APIKUR کە رۆژی پێنجشەممە 14.12.2023 بڵاوبووەتەوە، لەدوای بەئەندامبوونی کۆمپانیای کالیگران بی ڤی، ئەندامەکانی کۆمەڵەکە بوون بە شەش ئەندام.
کۆمەڵەکە دەڵێت، کالیگران بی ڤی ئەزموونی 85 ساڵ بەرهەمهێنانی نەوتی هەیە و بووەتە نوێترین و هەشتەمین ئەندامی کۆمەڵەکە.
کۆمەڵەی پیشەسازی نەوتی کوردستان APIKUR لە ساڵی 2023 لەلایەن کۆمپانیا نێودەوڵەتییەکانی نەوت و غازی هەرێمی کوردستان دامەزراوە و کۆمپانیاکان پێکدێن لە گەنەڵ ئینێرجی، گالف کیستۆن پترۆلیۆم، شەمەران پترۆلیۆم، ئێچ ئێن ئێنێرجی، دی ئێن ئۆ، وێسترن زاگرۆس، هانت ئۆیڵ و کالیگران بی ڤی.
