شوێنی رووداوی کوژرانی دوو هاوڵاتی لە دهۆک. فۆتۆ: سۆشیال میدیا
وتەبێژ زانیاری دا
پۆلیسی دهۆك هۆكاری كوژرانی دوو كه‌سی له دهۆك ئاشكرا كرد
+964
هێڤی دێوالی
ئه‌مڕۆ پێنجشه‌ممه دوو كه‌س له دهۆك یه‌كتریان كوشت، پۆلیسی دهۆك رایگه‌یاند، ئه‌وان ئامۆزای یه‌كترن و به‌هۆی كێشه‌ی خێزانی و كۆمه‌ڵایه‌تی یه‌كتریان كوشتووه.
هێمن سلێمان وته‌بێژی پۆلیسی له كۆنگره‌یه‌كی رۆژنامه‌وانیدا وتی، ئه‌و دوو كه‌سه ته‌مه‌نیان نزیكی 60 ساڵه و خزمی یه‌ك و خه‌ڵكی یه‌ك گوندن، دوای شه‌ڕ و ده‌مه‌قاڵی، له نزیك پاركی دڵشاد له دهۆك ته‌قه‌یان له یه‌كتر كردووه و یه‌كتریان كوشتووه.
وتیشی، هێشتا لێكۆڵینه‌وه له رووداوه‌كه به‌رده‌وامه و ته‌رمه‌كانیان له پزیشكی داده.
پێشتر سەرچاوەیه‌كی ئاگادر به 964ی وت، ئه‌و دوو كه‌سه لە ناو یەک ئۆتۆمبێلی پیكاب بوون، بووە بە شەڕیان و یەکیان تەقەی لەویتریان کردووە، ئەوەی کە تەقەی لێکراوە بە برینداری دابەزیوە و تەقەی لەویتر کردووە و دواجار هەردووکیان گیانیان لە دەست داوە.
داڕشتنه‌وه: ئه‌رسه‌لان عه‌بدوڵا
