هاری ماگوایەر. فۆتۆ: ئاژانسەکان
ئەوەى هەمووان بە خراپى دەزانن باشترینە
سوپرایز..ئەمجارە ماگوایەر یەکەمی پرێمه‌رلیگه
964+
وریا فەتاح
هارى ماگوایەر، کاپتن و بەرگریکارى یانەى مانچێستەر یونایتد بە باشترین یاریزانى مانگى رابردووى خولى نایابى ئینگلتەرا (پرێمەرلیگ) دیاریی کرا.
هەرچەندە زۆرێک لە چاودێرانى وەرزشى هەمیشە وەک خەتابارى سەرەکى دۆڕاندنەکانى مانچێستەر یونایتد سەیرى دەکەن و زۆر جار کەوتووەتە بەر هێرشى رۆژنامەکان و بابه‌تی گاڵته‌جاڕی سۆشیال میدیا، بەڵام مانگى رابردوو بۆ ماگوایەر جیاواز بوو، وەک باشترینى پرێمەرلیگ دەستنیشان کرا.
لە مانگى رابردوودا، ماگوایەر بەشدارى لە سێ یارى یانەکەى لە پرێمەرلیگدا کردووە، بەرامبەر یانەکانی فولهام، لۆتن تاون و ئێڤه‌رتۆن)، لە سەرجەمیاندا شەیتانە سوورەکان براوە بوون و هیچ گۆڵیشىان لێنەکرا.
هاوكات خه‌ڵاتی باشترین راهێنه‌ری مانگی رابردووش هه‌ر بۆ مانچێسته‌ر یونایتد بوو، كه راهێنه‌ر ئێریك تێن هاگ به باشترین دیاریی كرا.
