سێ بەنزینخانە لە هەولێر داخران

964+

ژووری هەواڵ

لە هەولێر نمونەی ئەو بەنزینە براوەتە تاقیگە کە سێ بەنزینخانەی شارەکە فرۆشتویانە، دەرکەوتووە کوالیتی سوتەمەنییەکە خراپە و رێنماییەکان پێشێلکراون.

ئەمڕۆ پێنجشەممە 7.12.2023، نەبەز عەبدولحەمید، قایمقامی هەولێر بە 964ـی راگەیاند، لە ماوەی پێنج رۆژی رابردوودا پشکنینیان بۆ 48 بەنزینخانە کردووە و لەو ژمارەیە سیانیان داخراون بەهۆی فرۆشتنی بەنزینی کوالیتی خراپ.

هەر سێ بەنزینخانەکە بە مەرجی پێدانی بڕیک پارە کە وەک پێبژاردن دیاریکراوە و لە یەک ملیۆن دینار کەمتر نییە، دەکرێنەوە، قایمقامی هەولێر وای وت.

نەبەز عەبدولحەمید زیاتر وتی، “هێشتا بڕیار لەسەر بڕی پێبژاردنەکە نەدراوە، بەڵام لەگەڵ دووبارەکردنەوەی سەرپێچییەکان، بڕی پێبژاردنەکە زیاد دەکات”.

سزای سەرپێچی بەنزینخانەکان دیاریکرا