لیژنەیەکی وەزارەتی شەهیدان بەرکەوتووانی چەکی کیمیاوی دەبینێت

964+

ژووری هەواڵ

بەڕێوەبەرایەتی شەهیدان و ئەنفالکراوانی هەڵەبجە ئاگادارییەکی بڵاوکردووەتەوە و داوا لە ژمارەیەک بەرکەوتووی چەکی کیمیاوی دەکات بەزووترین کات سەردانیان بکەن بە مەبەستی بینینی لیژنەی تایبەتمەندی وەزارەت.

ئەمڕۆ چوارشەممە 6.12.2023، ‫کامەران مستەفا، بەڕێوەبەری گشتی شەهیدان و ئەنفالکراونی هەڵەبجە بە 964ـی راگەیاند، چوار بەرکەوتووی چەکی کیمیاوی کە تۆمارنەکراون داوایان لێکراوە سەردانی بەڕێوەبەرایەتییەکەیان بکەن، چونکە ژمارە تەلەفون و ناونیشانیان بەردەست نییە و بەو رێگەیە دەیانەوێت بیاندۆزنەوە.

بەگوێرەی زانیارییەکانی 964، جگە لەو چوار کەسە، 29 کەسی دیکەش هەن کە وەک بەرکەوتووی چەکی میکیاوی تۆمار نەکراون و تەنیا دانیشتووی هەڵەبجە نین، بەڵکو لە سنوری قەزای چەمچەماڵ و گۆپتەپە و گوندی عەسکەر دادەنیشن.

ئەو 29 کەسەی دیکەش داوایانلێکراوە سەردانی بەڕێوەبەرایەتیی شەهیدان و ئەنفالکراوان بکەن، بەڵام ناویان بڵاونەکراوەتەوە چوونکە ژمارەی تەلەفونەکانیان کارایە.

“کێشەی ئێمە لەگەڵ دۆسیەی شەهیداندا بە بەردەوامی ئەوەیە کە ژمارەی تەلەفوون و شوێنی نیشتەجێبوون دەگۆڕن و دەبێت زوو زوو زانیارییە کەسییەکانیان نوێبکەینەوە”، کامەران مستەفا وای وت.

بەشێک لە بەرکەوتووانی چەکی کیمیاوی بۆ نەشتەرگەری گەیشتنە کەربەلا