دیمەنی دەستبەسەرداگرتی بارە خوێیەکان _ وێنە: لیژنەی تەندروستی لە پارێزگای هەڵەبجە
شیاوی خواردن نەبوو
زیاتر لە یانزە تۆن خوێی خۆراکی دەستی بەسەرداگیرا
964+
ئەحمەد مستەفا
یەکەی پشکنینی خۆراکی سەر بە پارێزگای هەڵەبجە لە مەرزی نێوان سەرتەك بۆ پشتە دەستی بەسەر زیاتر لە 11 تۆن خوێی خۆراکیدا گرت کە لە ئێرانەوە هاوردەکرابوون.
بەوتەی ئازاد مستەفا، سەرۆکی لیژنە تەندروستییەکانی دەروازەکانی هەڵەبجە بێت، خوێیەکە هەمان تایبەتمەندی عێراق نەبووە.
بەگوێرەی راگەیەندراوی سەرۆکی لیژنە تەندروستییەکان بێت، لە ماوەی هەفتەدا بەمەبەستی پاراستنی سەلامەتی خۆراکی هاوردە کراودا، تیمەکانیان هەستان بە دەستبەسەرداگرتن و رێگەنەدان بە هاوردەکردنی 11 تۆن و 540 کیلۆ خوێی خۆراکی.
بەهۆی ئەوەی، ئەنجامی پشکنینی فیزیایی و کیمیایی هاوتای تایبەتمەندی عێراقی نەبووە و هەروەها، شیاوی خواردن نەبوون، کە کاتێکدا لە تاقیگەی ناوەندی پشکنینی بۆ کراوە و دوپاتی ئەنجامەکەی کردووەتەوە.
