وێنەی تۆمەتبارەکە. فۆتۆ: پۆلیسی سۆران
100 هەزاری ساختەی ساغکردووەتەوە
کەسێک لە کاتی ساغکردنەوەی پارەی ساختە دەستگیر کرا
964+
ژووری هەواڵ
لە سەنتەری بازاڕی سۆران، لە کاتی ساغکردنەوەی پارەی ساختە، کەسێک دەستگیر کرا، دینار و دۆلاری ساختەشی پێبووە.
ئەمڕۆ یەکشەممە 19.11.2023، پۆلیسی سۆران رایگەیاند، دەستگیر کراوەکە بڕی 950 هەزار دیناری ساختەی لە جۆرەی 25 هەزار پێبووە.
تۆمەتبارەکە بڕی 200 دۆلاری دیکەی ساختەی پێبووە، پێشتریش 100 هەزار دیناری تری ساختەی ساغکردووەتەوە و ئەوەش دەستیبەسەردا گیراوە.
دادوەری لێکۆڵینەوەی سۆران بڕیاریداوە بە راگرتنی تۆمەتبارەکە بەپێی مادەی 281 لە یاسای سزادانی عێراقی.
پێشتریش، لە مانگی حوزەیرانی ئەمساڵدا، دوو کەس بە زیاتر لە 10 هەزار دۆلاری ساختەوە دەستگیر کران.
