باسکەی زاخۆ تووشی پێنجەم دۆڕان بوو

+964
شڤان عەبدوڵا – زاخۆ

لە گەڕی هەشتەمی خولی نایابی باسکەی عێراق، یانه‌ی زاخۆ بە یانه‌ی دیفاع جەوی دۆڕا و ئەمەش پێنجەم دۆڕانە دووچاری تیپەکە دەبێت.
یارییەکە ئەمڕۆ کرا و لەگەڵ دەستپێکردنی یارییەکە دیفاع جەوی بە ئاستێکی بەرز و زاخۆ بە ئاستێکی زۆر خراپ دەرکەوتن، له‌ دوو چاره‌گی یه‌كه‌مدا باسکەی دیفاع جەوی توانی بە جیاوازی 19 خاڵ پێش زاخۆ بکەوێت، 42 خاڵ بۆ دیفاع جەوی و 23 خاڵ بۆ زاخۆ.

لە دوو چاره‌گی دووەمدا راهێنەری زاخۆ بە گۆڕانکاری ویستی ئاستی تیپه‌كه‌ی باشتر بكات، به‌ڵام هیچی بۆ نه‌كرا و نەیتوانی لە ناو جەماوەرەکەی و لە یاریگه‌ی خۆیدا بردنه‌وه‌ تۆمار بكات، دواجار یارییه‌كه‌ به‌ بردنه‌وه‌ی دیفاع جه‌وی به‌ 83-62 خاڵ كۆتایی هات.

ئەمە هەشتەم یاری بوو بۆ یانه‌ی زاخۆ لە خولی ئه‌م وه‌رزه‌ی باسکەی نایابی عێراق، به‌ڵام پێنج دۆڕانی هه‌یه‌ و سێ بردنه‌وه‌ی تۆمار كردووه‌.

964 هه‌وڵی دا لێدوان له‌ راهێنه‌ر و یاریزانانی زاخۆ وه‌ربگرێت، به‌ڵام ئه‌وان به‌هۆی تووڕه‌بواون له‌ ئه‌نجامه‌كه‌یان ئاماده‌نه‌بوون قسه‌ بكه‌ن و به‌ ده‌مه‌قاڵی و توڕه‌بوونه‌وه‌ چوونه‌وه‌ ژووری جلگۆڕین.

پێداچوونەوە: ئەرسەلان عەبدوڵا

باسکەی زاخۆ بە دیجلە جامیعە دۆڕا