هەفتەیەک دەخایەنێت
هەڵمەتی کوتان لە دوزخورماتوو دەستیپێکرد
+964
سیروان خورشید – دوزخورماتوو
لە پێناو پاراستنیان لە نەخۆشیە وەرزییەکان، هەڵمەتی کوتان هاوڵاتیانی دوزخوماتوو لە ناو گەڕەک و شوێنە گشتییەکان دەستیپێکرد .
ئێوارەی سێشەممە لەلایەن هۆبەی کوتانی بەشی خۆپاراستنی تەندروستی دوزخورماتوو، هەڵمەتێکی فراوانی کوتانی هاوڵاتیان دەستیپێکرد، لە پێناو بەرژەوەندیی گشتی و پاراستنی تەندروستی هاوڵاتیانی قەزاکە و بە رەچاوکردنی رێوشوێنەکانی خۆپاراستن لە نەخۆشییە وەرزییەکان .
محەمەد ئەکبەر بەڕێوەبەری کەرتی تەندروستیی خورماتوو بە964ی وت، ساڵانە لە وەرزی پاییز و هاتنی زستاندا چەندین جۆر نەخۆشی بڵاودەبێتەوە لە ناو هاوڵاتیاندا ، بۆیە ئێستا بە چەندین جۆری دەرمان و کوتان، هاوڵاتیان دەپارێزین لەو جۆرە پەتا و نەخۆشییانە.
داواش دەکات هاوڵاتیان هاوکاریان بن لە سەردانیکردنیان بۆ کوتانیان و پاراستنی خۆیان لە نەخۆشییەکان، هەڵمەتەکەش بۆ ماوەی هەفتەیەک بەردەوام دەبێت .
پێداچوونەوە: ئەرسەلان عەبدوڵا
به‌ڵێنی گه‌وره به خه‌ڵكی دوزخورماتوو و ده‌وروبه‌ری ده‌درێت
