نەخۆشخانەی ئیمێرجنسی هەولێر. وێنە:لاپەڕەی فەرمی نەخۆشخانە لە تۆڕی کۆمەڵایەتی فەیسبووک.
رێژەی سووتانیان چەندە؟
لە پاڵاوگەکەی هەولێر چوارکەس سووتاون سێیانیان رێژەکەیان بەرزە
964+
فەهمی نەبی
دوێنی شەو لە گوێر پاڵاوگەیەک ئاگری گرت و بەو هۆیەوە چوار کەس سووتان، نەخۆشخانەی ئیمێرجنسی دەڵێت، سێیانیان رێژەی سووتانەکەیان %98 و یەکێکیان رێژەی سووتانی %25 دەبێت.
د.رەوەند حەوێزی بەڕێوەبەری کارگێڕی نەخۆشخانەی ئیمێرجنسی هەولێر ئەمڕۆ دووشەممە بۆ 964 وتی، “سەرەڕای زۆری رێژەی سووتانەکانیان، بەڵام ئێستا کە قسە بۆ ئێوە دەکەم تەندروستیان باشە”.
درەنگانی شەوی رابردوو ئاگر لە پاڵاوگەی مەغدید لە گوندی قادریەی سەر بە ناحیەی گوێر کەوتووەتەوە.
کاروان عەلی وتەبێژی بەرگری شارستانی هەولێر بۆ 964 وتی، لیژنەی هونەریمان پێکهێناوە بۆ خەمڵاندنی ئەو زیانانەی بەر پاڵاوگەکە کەوتووە.
