لە ترێندی 964
حەمە دەمبڵ باسی یەکەم دەرکەوتنی لەگەڵ ماهیر حەسەن دەکات
964+
پەری ساڵح
پاش ساڵانێک لە نواندن عیرفانی وەستا محەمەد ناسراو بە “حەمە دەمبڵ” بۆ یەکەمینجار نهێنی یەکەم دەرکەوتنی بەبێ دەنگی لەگەڵ هونەرمەند ماهیر حەسەن ئاشکرا دەکات و نیازی درامایەکی نوێشی هەیە.
ماوەیەکە لە سۆشیال میدیا گرتە ڤیدیۆییەک بڵاوبووەتەوە کە بەشێکی کەمە لە زنجیرەی کەشکۆڵ و ساڵانی زوو پێشکەش دەکرا و ماهیر حەسەن رۆڵی سەرەکی تێدا دەبینی، بەڵام عیرفانی وەستا محەمەد بێدەنگ لە تەنیشتیەوە دانیشتووە، ئەمەش کاردانەوەیەکی زۆری لێکەوتووەتەوە و عیرفانی وەستا محەمەدیش دەڵێت “ئەو کات بۆ من گرنگ بوو تەنیا دەرکەوم و سوپاس بۆ خوا پاشەرۆژیشم دیارە”.
عیرفانی وەستا محەمەد باس لەوە دەکات تەواوی کارەکانی لە بواری کۆمیدیا بە قەناعەتەوە کردووە و هەموویانی خۆشدەوێت نیازی درامایەکی نوێشی هەیە بۆ مانگی رەمەزان و ئامادەکاری بۆ دەکات.
