بەشێکی گەڕەکی ئیمام عەباس چیمەنتۆ دەکرێت
+964
راژان باجەڵان – خانەقین
پێنج کیلۆمەتری دیکە لە گەڕەکی ئیمام عەباس لە خانەقین کۆنکرێت کراوە و بڕیار وایە دەرخستە بۆ بەشەکانی دیکەی ئەو گەڕەکانە بکرێت کە ماون.
گەڕەکەکە زۆر فراوانە و بە زیادەڕۆیی دروستکراون و شارەوانی شارەکە و لایەنە پەیوەندیدارەکان بەیناوبەین بەشێک لە کۆڵانەکانی قیرتاو دەکەن.
حسێن دەلۆ، ئەندازیاری سەرپەرشتیاری پڕۆژەکە بە 964ـی راگەیاند، سێ کیلۆمەتری لەسەر سندووقی دووبارە نوێکردنەوەی خانەقینە و دوو کیلۆمەترەکەی دیکەش لەسەر بوودجەی پاریزگای دیالەیە.
وتیشی، “پانی کۆڵانەکان شەش مەتر دەبێت، پاش سافکردنی زەوییەکە و چاککردنی بۆریی ئاوی ماڵان، دەست دەکرێت بە چیمەنتۆکردن و ئەم پڕۆژەیە شۆستەی لەخۆ نەگرتووە”
گەڕەکی ئیمام عەباس لە 20 ساڵی دواییدا گەورەبوونێکی بێوێنەی بە خۆیەوە بینیوە و زۆربەی هەرە زۆریان تاپۆ نین.
پێداچوونەوە: پێشەوا محەمەد
