لە کەلار
70 جوتیاری گەرمیان بەرهەمە خۆماڵییەکانیان نمایش دەکەن
964+
میلاد جەلال – کەلار
فێستیڤاڵی بەرهەمە خۆماڵییەکان بە بەشداری 70 جوتیاری سنووری گەرمیان لە کەلار بە ڕێوەدەچێت.
فێستیڤاڵەکە بۆ یەک رۆژە و سەرجەم ئەو بەرهەمانەی نمایش دەکرێن بەرهەمی ناوخۆیی سنووریی گەرمیانە و جوتیارەکان بە دەست و بازووی خۆیان بەرهەمی دەهێنن.
لە فێستیڤاڵەکەدا هەریەک لە بەرهەمەکانی هەنار، خورما، لیمۆ و مۆز و چەند بەرهەمێکی دیکە نمایشکراون.
یەکێک لەو جوتیارانە بۆ 964 قسەی کردو وتی، من لە گوندی شێخ لەنگەرەوە هاتووم و مۆزمان بەرهەم هێناوە مۆزەکەمان تایبەتمەندی خۆی هەیە و قەبارەی بچوکە و تامیشی لە چاو مۆزی تردا کەمتر شیرینە.
وتیشی ئەگەر هاوکاری بکرێن بەرهەمی زیاتر بەرهەمدەهێنن، چونکە ئاوهەوای گەرمیان گونجاوە بۆ ئەو جۆرە بەرهەمانە.
پێداچوونەوە: توانا نەقی