دیمەنی ئەو شەقامەی گەرمیان کە دەستکراوە بە کارکردن تیایدا.وێنە.وەبەرهێنانی گەرمیان
شەقامێکی دیکە لە کەلار کەوتە بواری جێبەجێکردنەوە
964+
توانا نەقی
دەستکرا بە کارکردن لە شەقامی کوردستان لە قەزای کەلار و لەلایەن دوو کۆمپانیەوە دروستدەکرێت لەگەڵ رێڕەوێکی ئاوی.
ئەمڕۆ سێشەممە، وەبەرهێنانی گەرمیان بڵاویکردەوە، شەقامە تازەکە لە دوو ساید پێکدێت و لەلایەن هەردوو کۆمپانیای HDA و کۆمپانیای سەگرمە دروستدەکرێت بە شێوەیەکی خۆبەخشی.
دەشڵێت، درێژی شەقامەکە زیاتر لە دوو کیلۆمەترە، پانی شەقامەکە و لەگەڵ شۆستەکەی 50 مەتر دەبێت.
لە شەقامە تازەکەدا راڕەوێکی ئاوی باراناو بە نێوان هەردوو شەقامەکادا تێدەپەڕێت و بە درێژی 800 و پانی 18 مەتر دەبێت.
شەقامەکە پرۆژەکانی بان ستی، شاری فەرمانبەران، لانە ستی و گەرمیان ستی2، پێکەوە دەبەستێت.
پرۆژەکە لەلایەن تیمی ئەندازیاری و سەرپەرشتیاری بەڕێوەبەرایەتی گشتی وەبەرهێنانی گەرمیان سەرپەرشتی دەکرێت.
