125 ساڵە زرینگەی کەوچک و تەقەی پیاڵە لەم چایخانەیە نابڕێت
964+
ئاکام غەفور
لە رواندز چایخانەیەک هەیە رێک سەدە و چارەکە سەدەیەکە ئاوەدانە، لە ساڵی 1898 ئەم چایخانەیە کراوەتەوە، خەڵک هەر بۆی دەچن و پێی لێ نابڕن.
چایخانەی سەید جەبار ئێستا بووەتە یەکێک لە ئایکۆنەکانی شارەکەی پاشای کۆرە.
125 ساڵ پێش ئێستا خێزانێکی ئەو شارە دایانمەزراندووە، لەو کاتەوە زرینگەی کەوچک و تەقەی پیاڵە لەم چایخانەیە نابڕێت و نەوە دوای نەوە ئەم ئامانەتە دەدەنە دەست یەکتر
ساڵانێک ئێرە جێژوانی رۆشنبیرو هونەرمەندە دیارەکانی هەموو کوردستان بووە، ئێستاش وەک ئەو رۆژانە هەر جمەی دێت.
