ئاسیاسێڵ لەبەر خاتری غەزە لۆگۆکەی گۆڕی

+964
عادل کانەبی

ئەمڕۆ کۆمپانیای ئاسیاسێڵ لەسەر پلاتفۆرمەکانی سۆشیال میدیا رەنگی لۆگۆکەی لە رەنگە ئاساییەکەی خۆیەوە گۆڕی بۆ رەش.

عومەر فەتاح وتەبێژی ئاسیاسێڵ بە 964ـى راگەیاند، بەهۆی بۆردوومانەکانی ئیسرائیل بۆ سەر کەرتی غەزە سەدان منداڵ و ژنی بێ تاوان بوونەتە قوربانی، ئێمەش وەک هاوخەمییەک لۆگۆی پڕۆفایلەکانمان گۆڕی بۆ رەش.

دەربارەی کۆکردنەوەی کۆمەک بۆ لێقەوماوانی غەزە عومەر فەتاح وتی، تا ئێستا هیچ پڕۆژەیەکی وامان لەبەردەستدا نییە.

ئاسیاسێڵ کۆمپانیایەکی پەیوەندییە لە ساڵی 1999 لە عێراق دەستبەکار بووە و لە هەموو عێراق هاوبەشی هەیە.